storyboard
clicca pro expander
==== panello #1
Piro: Que diabolos tu faceva? Io non pote lassar te sol per cinque minutas?
Largo: Hei! Non esseva culpa mie!
==== panello #2
Largo: Io vagava in le boteca, occupate de mi affaires, quando subito illo me appellava...
==== panello #3
Largo: Ecce! Un processator Athlon AMD que non habeva essite turbinate! Illo esseva un crimine! Io sentiva que io debeva reparar ille injustitia!
==== panello #4
Piro: Ah, isto explica lo que occurreva a mi Athlon...
Largo: No, no! Io non mesmo esseva proxime quando illo explodeva!
console
<ensjo_ia>
“Presentante MegaTokyo”
Sunday 2004-01-11
Pro vos que non cognosce MegaTokyo, aqui va alcun parolas de presentation.
Le protagonistas es duo americanos ("Piro" e "Largo") fanatic pro videojocos qui va a Japon, guasta tote lor moneta in jocos e cosas affin, e resta sin poter retornar a casa.
Le formato initial de MegaTokyo, a quatro panellos, non permitte un narration multo elaborate. Es basicamente episodios rapide con un conclusion humoristic. Mais si iste formato non te agrada multo, vale le pena continuar a leger. Alcun tempore depost le autor adopta un formato libere con le dimension de un pagina, e le narrativa deveni plus interessante.
Circa le personage Piro se disveloppa le latere romantic del historia. Circa Largo... Ben, io non va ruinar le surprisa. MegaTokyo es tote un mundo a esser discoperite. Solmente sia caute, proque personas innocente non determinate pote finder tu capite e suger tu cerebro! Buah-ha-ha-ha-ha!
Le mal... es troppo...
<ensjo_ia>
“John Romero”
Monday 2004-01-12
John Romero es, conjunctemente con John Carmack, le co-autor de jocos que marcava lor geration, a saper "Doom" e "Quake" (e lor sequentias, usque "Quake II" per Romero).
Post illo, fornite de un belle conto bancari e de un ego plus tosto grande, un die ille se retira de "ID software" pro co-fundar "IonStorm" e lancear le promotion de lo que secundo ille devenirea le joco de referentia del proxime seculo, a saper, "Daikatana".
Post tres annos e medie de attender e milliones de dollares investite in le projecto, "Daikatana" esseva lanceate alcun menses ante le E3 in le qual Piro e Largo se trova, e illo non satisfaceva le expectationes.
John Romero finalmente esseva dimittite de "IonStorm".
