• English
  • Deutsch
  • Italiano
  • Français
  • Nederlands
  • Suomi
  • Polski
  • Norsk
  • Interlingua
  • Srpski
  • Español
  • Português (Brasil)
“Collidite”
pagina #16: Collidite

storyboard

clicca pro expander ==== panello #1
Piro: Tsubasa-san! Que placer vider te!
Tsubasa: Piro-san, Largo-san, es un placer!
Largo: Oi!
Piro: Homine, nos es stagnate in Japon usque nos arrangia alcun moneta pro le viage de retorno. Tu pote adjutar nos?
==== panello #2
Tsubasa: Gomen ne, Piro-san. Io volerea, mais io comprava "Air" heri e... io exaggerava. Io es sin moneta de nove.
Piro: "Air"?? Tu ha le joco??
Tsubasa: Si! Es magnific! Le graphicos es belle. Misuzu-chan es mi nove amor, illa es multo dulce.
Largo: Oh mi Deo! Existe duo individuos de iste specie in le mundo! Io non supporta isto.
Largo: Io vole un soda.
==== panello #3
Piro: Lassa me jocar quando nos veni a tu casa?
Tsubasa: Certo!
Piro: Uei! Io pensava que io deberea attender un mense ante poter jocar ille joco!
Personas: <Attention!>
Personas: <Deo mie! Tu le attingeva!>
==== panello #4
Tsubasa: Oh Deo... Tu amico pare ignorar que in Japon nos guida al sinistra del strata. Isto me recorda "Excel Saga". Tu pensa que ille sta ben?
Piro: Ah, ille sta ben. Le autobus me preoccupa plus.
Personas: Medico!

console

<ensjo_ia>

“Presentante MegaTokyo”

Sunday 2004-01-11

Pro vos que non cognosce MegaTokyo, aqui va alcun parolas de presentation.

Le protagonistas es duo americanos ("Piro" e "Largo") fanatic pro videojocos qui va a Japon, guasta tote lor moneta in jocos e cosas affin, e resta sin poter retornar a casa.

Le formato initial de MegaTokyo, a quatro panellos, non permitte un narration multo elaborate. Es basicamente episodios rapide con un conclusion humoristic. Mais si iste formato non te agrada multo, vale le pena continuar a leger. Alcun tempore depost le autor adopta un formato libere con le dimension de un pagina, e le narrativa deveni plus interessante.

Circa le personage Piro se disveloppa le latere romantic del historia. Circa Largo... Ben, io non va ruinar le surprisa. MegaTokyo es tote un mundo a esser discoperite. Solmente sia caute, proque personas innocente non determinate pote finder tu capite e suger tu cerebro! Buah-ha-ha-ha-ha!

Le mal... es troppo...

<ensjo_ia>

“John Romero”

Monday 2004-01-12

John Romero es, conjunctemente con John Carmack, le co-autor de jocos que marcava lor geration, a saper "Doom" e "Quake" (e lor sequentias, usque "Quake II" per Romero).

Post illo, fornite de un belle conto bancari e de un ego plus tosto grande, un die ille se retira de "ID software" pro co-fundar "IonStorm" e lancear le promotion de lo que secundo ille devenirea le joco de referentia del proxime seculo, a saper, "Daikatana".

Post tres annos e medie de attender e milliones de dollares investite in le projecto, "Daikatana" esseva lanceate alcun menses ante le E3 in le qual Piro e Largo se trova, e illo non satisfaceva le expectationes.

John Romero finalmente esseva dimittite de "IonStorm".