storyboard
clicca pro expander
==== panello #1
Tsubasa: Io lamenta que vos ha habite tante problemas desde vostre arrivata. Japon non es un pais periculose, totevia vos ja vos ha vulnerate!
==== panello #2
Tsubasa: Mi appartamento es minime e multo chaotic, mais vos es benvenite. Io spera que illo non sia troppo inconfortabile pro vos.
==== panello #3
Tsubasa: Es splendide que tu finalmente ha venite a Japon, Piro-san! Nos debe celebrar!
==== panello #4
Tsubasa: Piro-san?
Tsubasa: Largo-san?
Tsubasa: Oh-oh...
console
<ensjo_ia>
“Presentante MegaTokyo”
Sunday 2004-01-11
Pro vos que non cognosce MegaTokyo, aqui va alcun parolas de presentation.
Le protagonistas es duo americanos ("Piro" e "Largo") fanatic pro videojocos qui va a Japon, guasta tote lor moneta in jocos e cosas affin, e resta sin poter retornar a casa.
Le formato initial de MegaTokyo, a quatro panellos, non permitte un narration multo elaborate. Es basicamente episodios rapide con un conclusion humoristic. Mais si iste formato non te agrada multo, vale le pena continuar a leger. Alcun tempore depost le autor adopta un formato libere con le dimension de un pagina, e le narrativa deveni plus interessante.
Circa le personage Piro se disveloppa le latere romantic del historia. Circa Largo... Ben, io non va ruinar le surprisa. MegaTokyo es tote un mundo a esser discoperite. Solmente sia caute, proque personas innocente non determinate pote finder tu capite e suger tu cerebro! Buah-ha-ha-ha-ha!
Le mal... es troppo...
<ensjo_ia>
“John Romero”
Monday 2004-01-12
John Romero es, conjunctemente con John Carmack, le co-autor de jocos que marcava lor geration, a saper "Doom" e "Quake" (e lor sequentias, usque "Quake II" per Romero).
Post illo, fornite de un belle conto bancari e de un ego plus tosto grande, un die ille se retira de "ID software" pro co-fundar "IonStorm" e lancear le promotion de lo que secundo ille devenirea le joco de referentia del proxime seculo, a saper, "Daikatana".
Post tres annos e medie de attender e milliones de dollares investite in le projecto, "Daikatana" esseva lanceate alcun menses ante le E3 in le qual Piro e Largo se trova, e illo non satisfaceva le expectationes.
John Romero finalmente esseva dimittite de "IonStorm".
