• English
  • Deutsch
  • Italiano
  • Français
  • Nederlands
  • Suomi
  • Polski
  • Norsk
  • Interlingua
  • Srpski
  • Español
  • Português (Brasil)
“Simulation de vita”
pagina #19: Simulation de vita

storyboard

clicca pro expander ==== panello #1
Largo: Piro, io ha pensate...
Piro: Non existe leges contra illo?
==== panello #2
Largo: Io vole dicer... Ecce nos de nove in ancora un altere exposition de jocos. Tote anno es le mesme cosa: Expositiones, "lan parties", nihil cambia jammais.
Largo: Tu jammais pensa que le vita pote esser plus que solmente jocos?
==== panello #3
Piro: Tu parla de arrangiar un inamorata, liquidar le debitas, progreder in le carriera, e cosas similar?
Largo: Si.
==== panello #4
Piro: Il habeva un joco de simulation con iste thema, nonne?
Largo: Si, era enoiose.
Piro: De accordo.

console

<ensjo_ia>

“Presentante MegaTokyo”

Sunday 2004-01-11

Pro vos que non cognosce MegaTokyo, aqui va alcun parolas de presentation.

Le protagonistas es duo americanos ("Piro" e "Largo") fanatic pro videojocos qui va a Japon, guasta tote lor moneta in jocos e cosas affin, e resta sin poter retornar a casa.

Le formato initial de MegaTokyo, a quatro panellos, non permitte un narration multo elaborate. Es basicamente episodios rapide con un conclusion humoristic. Mais si iste formato non te agrada multo, vale le pena continuar a leger. Alcun tempore depost le autor adopta un formato libere con le dimension de un pagina, e le narrativa deveni plus interessante.

Circa le personage Piro se disveloppa le latere romantic del historia. Circa Largo... Ben, io non va ruinar le surprisa. MegaTokyo es tote un mundo a esser discoperite. Solmente sia caute, proque personas innocente non determinate pote finder tu capite e suger tu cerebro! Buah-ha-ha-ha-ha!

Le mal... es troppo...

<ensjo_ia>

“John Romero”

Monday 2004-01-12

John Romero es, conjunctemente con John Carmack, le co-autor de jocos que marcava lor geration, a saper "Doom" e "Quake" (e lor sequentias, usque "Quake II" per Romero).

Post illo, fornite de un belle conto bancari e de un ego plus tosto grande, un die ille se retira de "ID software" pro co-fundar "IonStorm" e lancear le promotion de lo que secundo ille devenirea le joco de referentia del proxime seculo, a saper, "Daikatana".

Post tres annos e medie de attender e milliones de dollares investite in le projecto, "Daikatana" esseva lanceate alcun menses ante le E3 in le qual Piro e Largo se trova, e illo non satisfaceva le expectationes.

John Romero finalmente esseva dimittite de "IonStorm".